GASYKAMANJA.COM

Mbola ho avy ny andro hahatsiarovanao ahy
Amin'ny ora tsy ampoizimpozina,
Mbola ho avy ny andro hampahory ny fanahy
Hanembona ahy ianao ka hiodinkodina; (x2)

Mbola ho avy ê irony nenina ê
Hitsako ny hadalànao, hangidy izay telina ê
Mbola ho avy ê, hangirifiry be
Efa tsinjoko hatrety sahady fa ho ranomaso be

Mbola ho avy ny andro hanakoako an-tsofinao
Ireo dinantsika izay nosehina
Mbola ho avy ny andro hivatsy ny famerimbolanao
Hohitanao eo ihany izany ngidiny ô !

Mbola ho avy ê tsaroako tsara anie
Fony aho nilaozanao anie ka nahatsiaro fanina ê
Mbola ho avy ê, tsy ho ela akory anie
Dia higoka ianao ny ngidin'ny ranomaso nateliko ê.